Vil sikre gode arbeidsvilkår i grøntnæringa
30. mai 2024
Mange utanlandske arbeidstakarar er på plass for å jobbe med bær, grønsaker og frukt i landbruket. Arbeidstilsynet er i gang med tilsyn, og i år har vi særleg fokus på lønns- og arbeidsvilkår og innkvartering.
Under årets tilsyn med landbruksnæringa, vil Arbeidstilsynet særleg kontrollere:
- at det er inngått skriftleg arbeidsavtale med dei tilsette,
- at krava til allmenngjord lønn blir etterlevde, og at lønn blir utbetalt til arbeidstakars konto,
- at krava til arbeidstid og overtidstillegg blir etterlevde, og arbeidsgivars timeregistrering, og
- at innkvartering som arbeidsgivar tilbyr tilsette, er forsvarleg og i samsvar med regelverket.
Regelverket for innkvartering er oppdatert og gjort tydelegare. Regelverksendringane trer i kraft frå 1. juni.
Nyhet
