Regjeringa vil at fleire nordmenn skal bli sesongarbeidarar

Ein sentral del av oppgjeret til Ap-regjeringa med dårlege arbeidsvilkår for sesongarbeidarar er å setje støyten sterkare inn mot å få fleire norske arbeidstakarar ut i åkeren.

– Noreg har stabil tilgang på sesongarbeidarar også frå tredjeland. Det er fint, men eg tenkjer at vi bør ha ein felles ambisjon om å auke rekrutteringa blant norsk ungdom til landbruket, seier arbeidsminister Tonje Brenna.