Karrieresenter fekk Kateryna i jobb som lege: – Det er draumen min å få lov å jobbe
Kateryna Maidenko, ein ukrainsk augelege, fekk hjelp av Karrieresenteret på Haukeland til å få jobb som augelege i Noreg. Karrieresenteret har hatt gode resultat og er no gjort permanent.
Då Kateryna flykta til Noreg for tre år sidan var det vanskeleg å få brukt ekspertisen.
– Språket har vore vanskeleg. Så er det mykje byråkrati. Det er vanskeleg å få godkjend utdanninga, fortel Kateryna Maidenko.
Ho er nå augelege på Haukeland. Det hadde truleg ikkje gått utan hjelp frå sjukehuset sine karrierespesialistar.
For to år sidan etablerte Helse Bergen pilotprosjektet Karrieresenteret. Oppgåva til senteret var rett og slett å få fleire i arbeid.
Det kan vere utanlandske fagfolk som manglar den formelle kompetansen eller språk-kunnskapen til å jobbe i Noreg. Prosjektet har hatt gode resultat og er no gjort permanent.
