Færre innvandringar gav lågare folkevekst
20. mai 2026
Befolkninga veks framleis, men i eit lågare tempo enn dei siste åra.
– Folkeveksten har bremsa opp i takt med at færre ukrainarar har flytta til Noreg, seier seniorrådgjevar Magnus Haug i Statistisk sentralbyrå (SSB).
Ved utgangen av 1. kvartal var folketalet 5 633 770 etter å ha auka med 6 370 sidan året byrja. I 1. kvartal i 2025 var auken på 6 700 personar. Den lågare veksten skuldast i hovudsak at det kjem færre ukrainarar til landet. Det viser tal frå statistikken Befolkning.
Dermed var første kvartal i år det kvartalet med lågast folkevekst, målt i høve til folketalet, sidan 2004 – med unntak av koronaåret 2020. Folkeveksten var 1,13 per 1 000 innbyggjarar.
Nyhet