Skip to main content
 

Robotar på veg inn i frukt- og bærnæringa

25. april 2022

– Dagens bær blir nesten utelukkande hausta av utanlandske sesongarbeidarar. Tilgangen på denne arbeidskrafta er ikkje sjølvsagt, seier Ivar Petter Grøtte ved Vestlandsforsking.

Om nokre år er det ikkje sikkert at det er menneskehender som haustar bringebæra på Vestlandet.

I nasjonal samanheng ligg Vestlandet langt framme i frukt- og bærproduksjon, med sine regionspesifikke fortrinn. Samtidig har frukt- og bærdyrkarane i vest felles utfordringar som pandemien fekk tydeleg fram, mellom anna mangel på arbeidskraft i ein kort og intens sesong.

– Dei fleste bedrifter vil før eller seinare måtte omstille seg drastisk for å møte det digitale skiftet. Frukt- og bærdyrkarane er ikkje noko unntak, understrekar Grøtte.

Framsteg på felt som robotikk, stordata, plantevitskap og teknologi gjer det realistisk at robotar blir ein del av frukt- og bærproduksjonen. I mai inviterer Teknoløft Sogn og Fjordane til to dagars workshop om temaet, og til opning av eit testanlegg for robotar i Sogn.

Les hele saken: Robotar på veg inn i frukt- og bærnæringa (Vestlandsforsking, 25.04.22)

 
Nyhet