Oppstartsmøte for bransjeprogram for jordbruk og gartneri
Regjeringa, partane i arbeidslivet og aktørane i jordbruks- og gartnerinæringa samlar seg til felles innsats for seriøse og trygge arbeidsplassar gjennom eit nytt treparts bransjeprogram. Samarbeidet skal fremje eit godt arbeidsmiljø og bekjempe sosial dumping og a-krim. Ei sentral utfordring gjeld arbeidsforhold og innkvartering for sesongarbeidarar.
Deltakarane i bransjeprogrammet gjennomførte nyleg eit oppstartmøte med statssekretær Line Eldring i Arbeids- og inkluderingsdepartementet og statssekretær Anette Stegegjerdet Norberg i Landbruks- og matdepartementet.
Innsatsen innan jordbruks- og gartnerinæringa er ei oppfølging av handlingsplanen mot sosial dumping og arbeidslivskriminalitet.
Bransjeprogrammet hadde oppstart desember 2025.
Frå før er det tilsvarande bransjeprogram i reinhald, uteliv, transport og bilbransjen.
Treparts bransjeprogram for jordbruk og gartneri blir leia av Arbeidstilsynet. Følgjande organisasjonar deltar: Fellesforbundet, NHO Mat og Drikke, Norges Bondelag, Norsk Bonde- og Småbrukarlag, Norsk Gartnerforbund, Norske Landbrukstenester, Norsk Landbruksrådgivning og Stiftelsen Norsk Mat.
