Kommunal «tilsynsgruppe» skal luke ut useriøsitet frå byggebransjen i Trondheim
Trondheim kommune har tilsett fem nye koordinatorar for sikkerheit, helse og arbeidsmiljø (SHA), og snart skal ein sjette tilsettast. Dei skal sørge for at lover og reglar blir følgde på bygge- og anleggsprosjekt der kommunen er byggherre. Planen er at avdelinga er oppe og går for fullt frå årsskiftet.
Tidlegare har kommunen leigd inn koordinatorar til å sørge for at kommunen følger SHA-ansvaret sitt i tråd med byggherreforskrifta. No kjem eigne tilsette til å gjere store delar av jobben.
– Eg har ikkje høyrd om ei liknande satsing i andre kommunar. Dette er ein milestolpe. Dette sparer kommunen for pengar, er einskapleg og bygger kompetanse internt, seier Roar Aas, kommunalråd for Arbeidarpartiet og tidlegare fagforeiningsleiar for taktekkarar, murarar og tømrarar i byen.
Les hele saken: Sosial dumping: Denne gjengen skal luke ut useriøsitet frå byggebransjen i Trondheim (FriFagbevegelse, 30.08.21)