Svak krone skaper trøbbel for eksportbedrifter

13. mai 2023

Låg kronekurs betyr høgare inntekter for norske eksportbedrifter, men fleire seier at det kan bli for mykje av det gode. Blant anna gjer låg kronekurs det vanskelegare å rekruttere utanlandsk arbeidskraft, som får lønna si i norske kroner.

Sigvald Sveinbjørnsson, dagleg leiar i Maritime Bergen, fortel at kronekursen er utfordrande.

Han viser til at innkjøp frå utlandet blir dyrare og at kronekursen går utover kjøpekrafta til gjestearbeidarane i havbruket, som i all hovudsak kjem frå Polen.

– Om krona svekkjer seg meir mot polske zloty, blir det endå større utfordringar med å få tak i folk, seier han.