Regjeringa sin plan for arbeid og inkludering
17. desember 2025
Regjeringa sin plan for Noreg erstattar dei tidlegare regjeringsplattformene og inneheld fleire større prosjekt framfor mange enkelttiltak. Arbeids- og inkluderingsministeren har valt ut fem prosjekt. Arbeidet mot sosial dumping held fram.
Mellom prosjekta er fleire i jobb, eit trygt og organisert arbeidsliv og integrering.
Arbeidarparti-regjeringa held fram arbeidet med å tryggje alle arbeidstakarar i Noreg. Arbeidet mot sosial dumping og for fleire heile, faste stillingar held fram, særleg gjennom oppfølging av den nye handlingsplanen mot arbeidslivskriminalitet.
Regjeringa sine mål er:
- eit godt arbeidsliv med auka organisasjonsgrad,
- eit godt arbeidsmiljø for fleire,
- betre rettar for plattformarbeidarar,
- nulltoleranse for sosial dumping og arbeidslivskriminalitet
- og eit meir rettferdig og moderne yrkesskaderegelverk.
Nyhet
