Lovbrot avdekte i serveringsbransjen: Bruker kryssordpenn til kriminell verksemd
Ei rekke lovbrot er avdekte i kontrollar A-krimsenteret har gjort av fastfood- og takeaway-segmentet av serveringsbransjen i Vestland. I fleire tilfelle var personallister manipulerte med utviskbar penn. Det er avdekt lovbrot i tilnærma alle kontrollane.
– Me ser at serveringsstader blir brukte som verktøy i kriminalitet, seier Ove Boga er leiar for A-krimsenteret i Vestland.
Kontrollane blei gjort i ein del av serveringsbransjen som gjerne har låge krav til formalkompetanse og mange unge og utanlandske arbeidstakarar.
– Me har informasjon om stader som gjer at me vel å ta kontroll av desse. Og det me finn, er alvorleg. Men eg er dessverre ikkje overraska.
Kontrollane avdekker at nokre verksemder utnyttar menneske i sårbare livssituasjonar, inkludert tilsette med ulovleg opphald i landet.
Kundar kan også bidra til å hindra kriminalitet. Blant råda er:
– Alltid ta imot eller be om kvittering frå kasseapparatet. Også viss du får levering på døra, seier Boga.
Ved betaling med Vipps, bør du sjå at betalinga går til verksemda og ikkje til privatpersonar.
